Toimâmkuávlu

Toimâmkuávlu uáivild eennâmtieđâlii tâi toimâlii kuávlu, kost ornijdume, irâttâs, siärvádâh tâi ovtâskâs tuáimee háárjut jieijâs tooimâ. Kuávlun pyehtih kulluđ sehe eidusiih pyevtittâs- já palvâlussajeh já toh pirrâseh, moid tooimâ vaikuttâsah ulâtteh.

Ovdâsvástádâslii já eettisávt kilelis sämimaađhâšmist toimâmkuávlun kuleh toh sajeh já enâduvah, main mađhâšemtoimâ vuávájuvvoo, olášuttoo já markkânistoo. Toimâmkuávlu miäruštâlmist kalgeh valduđ vuotân:

• luándupiirâs: ovdâmerkkân kuáttumkuávluh, kuálástem- já miäcástemenâmeh sehe eres ärbivuáváliih kevttimkuávluh, siämmáánáál ko tobbeen orroo elleeh já lodeh, šadoh já čácáduvah sehe páiháliih tuáimeeh, tego päikkitáárbu kevtteeh.
• kulttuurärbi já siärvádâh: ovdâmerkkân pase sajeh, kulttuurtábáhtusah já ärbivuáválij iäláttâsâi kuávluh sehe jiegâliih já symboolliih merhâšumeh, tego sajeh, moh lohtâseh muštâlussáid, mainâsáid já ärbivuovvijd.
• eennâmtieđâliih já haaldâtliih rääjih: ovdâmerkkân sämmilij päikkikuávlu, palgâseh já kieldah, moi kuávlun toimâ sajaduvá.

Toimâmkuávlu tubdâstem já valdâlem (om. SMEKS-vuáváámist) lii tehálâš, vâi mađhâšemtooimâ puáhtá heiviittiđ oohtân páihálii killeelvuođáin já kyeddimnavccáin, ärbivuáválij iäláttâsâiguin já kulttuurlij árvuiguin. Toimâmkuávlu tubdâstem iššeed estiđ ruossâriijdoid já naanood siärváduv luáttámuš tuáimei.

Toimâmkuávlun lohtâs ain meid tooimâ vaikuttâsâi olleemvuotâ: mađhâšem ekologâliih, sosiaalliih, ekonomâliih já kulttuurliih vaikuttâsah pyehtih čyecciđ vijđásubbooht ko eidusii tooimâ sajan. Tondiet toimâmkuávlu miäruštâllâm váátá peic fyysilij raajij, meid kulttuurlij merhâšuumij tubdâstem oovtâst páihálijguin.