Heterogenlâšvuotâ (heterogeenisyys)

Sämikulttuur ij lah tuše puásui, mááccuh já láávu, veikkâ mätkiráhtálâšvuotâ addel távjá nuuvt iberdiđ.  Ij lah tuše ohtâ vyehi čäittiđ sämivuođâ já sämikulttuur. Puásui, mááccuh já láávu ovdâsteh tuše uási maaŋgâmuđusâš sämikulttuurist. Sämikulttuur lii heterogenlâš ađai maaŋgâhámásâš, riges, ááigán já pááikán sehe jieškote-uvlágán tiilijd vuáháduvvee eellimvyehi, moos čuuvtij vaaigut pirâstittee ellee kulttuurenâdâh já tom kilelis kevttim. Ovdâmerkkân sämikielâ, muštâlusah, muusik sehe sämikulttuur enâmustáá uáinojeijee symboleh tego mácuheh já sämityejeh, láá čovgâ ohtâvuođâst ei. ärbivuáválâš sämi-iäláttâssáid, mon jyehi uásisyergi taarbâš nube vâi siäilu eellimvuáimálâžžân ja taha máhđulâžžân sämikulttuur siäilum, ovdánem já sirdem puáttee suhâpuolváid.  Jis ovdâmerkkân ohtâ kulttuuruási láppoo teikkâ ton toimâmkuávlu raijâšuvá, te taah vaiguttâsah tobdojeh tállán eres uásist.