Sämikulttuur (saamelaiskulttuuri)

Sämikulttuurân kuleh eereeb iärásij sämikielâ, sämmilâš kulttuurärbi, kulttuurolgospyehtimeh, sämmilâštaaiđâ, sämmilij ärbivuáválâš tiätu, sämmilâš luándukoskâvuotâ, ärbivuáváliih sämi-iäláttâsah já tai tááláš hárjuttem häämih siämmást ko eres sämmilij algâaalmugin hárjuttem kulttuur täävih já häämih. Tienuuvt ovdâmerkkân sämikielâ, mainâseh, muusik sehe sämikulttuur puoh pyeremusávt uáinojeijee symboleh tego sämimááccuheh já sämityeji láá aldasii ohtâvuođâst eereeb iärásij ärbivuáváláid sämi-iäláttâssáid já hämmejeh iäruthánnáá ubâlâšvuođâ, mon jyehi uásisyergi taarbâš nube vâi siäilu eellimvuáimálâžžân já taha máhđulâžžân sämikulttuur siäilum, ovdánem já sirdem puáttee suhâpuolváid. Jis ovdâmerkkân ohtâ kulttuur uásisyergi láppoo teikâ ton toimâkuávlu rájášuvá, te taah vaikuttâsah tobdojeh tállán nube saajeest.