Zooifikaatio (zooifikaatio)

Zooifikaatio uáivild oovdânpyehtimvyevi, mast eromâšávt algâaalmugsiärváduvâid já toi jesânijd rähtih pyevtittâssân mađhâšemuáinámuššân já sii kohtâleh tego sij liččii uási luándupirrâsân kullee kiäsutteijee uáinámuš tâi čáitáldâhtiiŋgâin jieijâs ellee kulttuurenâduvâin. Suomâst mađhâšemsyergist mielâkove sämmilâšvuođâst čuosâttuvvoo ennuv sämimááccuhân. Sämimááccuhân kárvudâttâm ulmuid aneh maŋgii ”čáitáldâhtiŋgân” ađai objektin mast ij lah persovn. Čuolmân tot šadda eromâšávt talle, ko koččâmuš lii mađhâšem ulguupiäláin priivaat ulmuin. Sämmiliih já sämikulttuur kiävttojeh maađhâšmist ain uđđâsist meid passiivlâš rekvisiittân, páihálâš ivnen tâi eksootlâš já primitiivlâš objektin, mii lii lyevvejum kulttuurlii ohtâvuođâstis