Rekvisiit (rekvisiitta)

Sämmilij päikkikuávlu lii noomâs miäldásávt maaŋgâi sämmilij päikki, kuus mađhâšeijeeh puátih kolliđ. Šiev täävi miäldásávt páihálii ulmuu ij koolgâ kohtâliđ uáinámuššân, rekvisiittân tâi objektin. Eromâš huolâlâšvuođâ kalga nuávdittiđ čuovâkuvvim já eres vuorkkim háárán, ko tot čuáccá mađhâšemsyergi ulguupiäláá priivaatulmui. Mušte, ete sämimááccuh siste lii olmooš, kote ij lah jieijâs pääihist rekvisiittân teikâ eksootlii tuáváážin mađhâšeijee tárboid. Sämimááccuh kevttee ulmuu čuovâkuvvim kalga ain vuáđuduđ kuvvim čuosâttâhhân orroo ulmuu mietâmân. Párnái kuvviimân tarbâšuvvoo vaanhimij lope, mon peri pihtâsáid sij láá kárvudâttâm. Mađhâšemsyergi ulguupiälááh ulmuuh iä kárvudât sämimácuháid mađhâšeijei várás. Jis kove tâi eres vuorkkimhäämi čuosâttâhhân halijdum olmooš piettâliđ tâi lii epivises love addelmist, te kuvvim kalga vájálduttiđ.