Algâaalmugmađhâšem (alkuperäismatkailu)

Ovdâsvástádâslâš algâaalmugmađhâšem vuáđuduvá ubâlâšvuođâlâš killeelvuođâi já kyeddimnaavcâi huámmášumán väldimân já olášutmân páihálâš tääsist koččâmušâst orroo algâaalmug asâttem kuávluin. Algâaalmugist kalga leđe máhđulâšvuotâ kontrollistiđ tom mainâs já vyevi, maht sii kulttuur čáittoo já kiävttoo kávpálávt maađhâšmist. Algâaalmug jieš taha pyevtittâssân já puáhtá oovdân jieijâs kulttuur jieijâs siärváduv asâttem raajij siste. Kulttuur haldâšeijeesiärvádâh kalga aktiivlávt já kulttuurtorvolávt pyehtiđ vaiguttiđ jieijâs kulttuur oinuumân já pyevtittâssân tohâmân tienuuvt, ete maađhâšmist láá positiivliih vaiguttâsah sii kulttuur paijeentolâmân já puáttee suhâpuolváid sirdemân. Algâaalmugmađhâšem ij lah taggaar, ete iärráseh ko algâaalmug jesâneh jyehih tiäđu algâaalmugijn. Peeicâ algâaalmugmaađhâšmist algâaalmugeh jieijah čäittih jieijâs kulttuur jieijâs iävtuiguin. Mađhâšeijee ovdâsvástádâslâšvuotâ já vaiguttemmáhđulâšvuođah lahtâseh algâaalmug ovdâsvástádâslij já eettisávt kilelis palvâlusâi já -pyevtittâsâi kuulâtmân.