Primitivisistem (primitivisointi)

Maađhâšmist primitivisistem tiädut já siämmást naanood moonnâmááigán čonnum eellimvyevi miäldásii mielâkove algâaalmugist. Nubenáál ettum primitivisistem tuárju museolágán, muttuuhánnáá já moonnâmááigán orostittum kove sämisiärváduvâst, mon ij moodeern eellim lah vala juuvsâm tâi čuovviittâs pilledâm. Primitivisistmáin rähtih kove ”kuoskâhánnáá” já tienuuvt ”olmâ” almugist ađai ”vuoigâlijn vildâulmuin”, mii lii siäilum moonnâm äigipoojijn. Sämmilij jiegâlii ärbivyevi já myyttâlâš moonnâmääigi tiäduttem mađhâšem tooimâst primitivisist sämmilijd, tuárju já naanood puástulágán stereotypiaid já feilâlijd representaatioid, moid ij lah vaastâ tááláá ääigi tuotâvuođâst. Primitivisistem ij adde sämmilâšvuotân, mii oovdânpuáhtoo maađhâšmist, máhđulâšvuođâ leđe uási taan peeivi ellee já dyynaamlii kulttuur, peic ton peht kove, mii adeluvvoo sämmilijn, lukkâd sii mystisâš moonnâmááigán.