Rievtis tiäđu sirdem (oikean tiedon välittäminen)

Almos tiäđuh sämiaalmugist, sämmilij historjást já modern sämisiärváduvâst láá ain uccáá já távjá meid munekááduh vaigutteh. Sämikielah, sämmilij historjá já sämikulttuur pääcih škovlâmáttááttâsâst masa tubdâmettumin. Sämmilâštiäđu vailum máttááttâsâst lasseet eresárvusâšvuođâ, taha sämipárnái já -nuorâi jieijâs kulttuurân šoddâm vaigâdubbon já toovât ohtsâškode tääsist sierâlágánvuođâ raajijd, ibbeerdmettumvuođâ já vajesaavâ sierâlágán juávhui kooskâ. Tot, ete sämmiliih láá tubdâmettum päikkienâmistis, toovât vaigâdubbon meid sämmilij ohtsâškodálii sajattuv já kielâtile iberdem já ovdedem.
Sämmiláid kyeskee tuođâlii tiäđu lasettem já sirdem meid mađhâšemsyergi peht lii eromâš tehálâš. Sämikulttuur siäilum eellimvuáimálâžžân oovded meid Laapi mađhâšem ovdánem. Tai aasij ovtâstittem kuohtui peeli hiättun lii máhđulâš, mutâ tot váátá oovtâstpargo, tiäđu lasettem sehe uđđâ vuáruvaikuttâsvuovij já -kanavij kavnâm mađhâšemsyergi já sämikulttuur haldâšeijei kooskâ. Eettisávt kilelis sämimađhâšem ovdánem iähtun lii vijđes ohtsâštoimâ, mii vuáđuduvá maaŋgâi peelij koskâsii ibbeerdmân já kunnijâtmân. Ovdâsvástádâslâš mađhâšeijee puátá kyessin ávus čolmijguin já peljijguin munejurduittáá. Já uáppáásm sämmiláid sii jieš sannim mainâsij já teivâdmij peht. Ovdâsvástádâslâš mađhâšeijee kuldâl já kulá, maht sämmiliih halijdeh jieijâs oovdânpyehtiđ. Ovdâsvástádâslâš mađhâšeijee juáhá rievtis tiäđu ovdâskulij jieijâs somekanavij já mätkimuštâlusâi peht.