Kuáttumráávhu (laidunrauha)

Puásuituálun kalga tähidiđ pirrâihásâš kuáttumráávhu. Kuáttumráávhuin tárguttuvvoo puásuituálun adelum máhđulâšvuotâ hárjuttiđ iäláttâsâs puásuituálu ulguubele puáttee hemâdâsâittáá, tego ovdâmerkkân olmooštoimâ kuáttumkuávluin. Meid puásuisijdâráávhu kulá kuáttumráávhun. Kalga mušteđ, ete pygályskäärdih, tuveh sehe tiätusajeh luándust, tego ovdâmerkkân poccui piemmâmsajeh, láá ulmui pargosajeh mađhâšem ulguubeln já toho ij pyevti moonnâđ lovettáá eereeb iärrás pargotorvolâšvuođâsuujâi tiet. Eromâšávt poccui kyeddimsoojijd ferttee kyeđđiđ puoh povdiihánnáá tooimâi ulguupiälán.  Kiiđâ kyeddimäigi kalga ollásávt rávhuiduttiđ, ijge kyeddimkuávluin koolgâ jotteeđ puásuituállein teikkâ palgâsist puáttám alguuttáá já lovettáá.