Pennui kiddâtoollâm (koirien kiinnipito)

Sämmilij päikkikuávlust avžuutteh toollâđ jiellâhelleid ain kiddâ já miäcástmist anneeđ tuše pennuid, moh iä peerust poccuin. Miäcástemlaavâ 51 § mieldi pennuid kalga toollâđ kiddâ 1.3.–19.8. koskâsâš ääigi, vâi luándu elleid visásmittoo lasanemráávhu. Miäcástemlaavâ 53 §:st asâttuvvoo meiddei pennui kiddâtolâmist eres saajeest ko omâstum kuávlust: “Eennâmiäigád teikkâ miäcástemvuoigâdvuođâ haldâšeijee lovettáá pennuu ij uážu toollâđ luovâsin nube kuávlust.” Taat maajeeb cekki lii vyeimist meiddei paajaabeln mainâšum kiddâtoollâmääigi ulguubeln. Meiddei luándusuojâlemkuávluin lii vyeimist pirrâihásâš pennui kiddâtoollâm kenigâsvuotâ. Tärhibeh pennui kiddâtoollâm räijiimeh já spiekâstâsah čuákkipäikkikuávlui ulguubeln kávnojeh miäcástemlaavâst. Pennui kiddâtolâmân kirjejum ceehih kávnojeh meid puásuituálulaavâst (42 § poccui paldattâllâm estim), oorniglaavâst (14 § peenuvoornig) sehe rikoslaavâst (15 §).