Puásuituálu (poronhoito)

Ärbivuáválâš sämi-iäláttâsâin puásuituálu tuáimá ain ohtân sämikulttuur tehálâš vuáđukeđgin já fáálá tuáriskuávlui asâttâs siäilutmân eromâš tehálijd pargomáhđulâšvuođâid sehe kulttuurlávt eellimtehálii kielâaareen já amnâsijd ei. pihtâsáid, tuojijd já purrâmuškulttuurân.

Poccui omâstem, puásuiolmooštááiđuh já joba ovtâskâs poccuuh adelii sierâ perruujesânáid sosiaallâš sajattuv sämisiärváduvâst. Ovdâmerkkân poccui eellimkiärdu čuovvuu alda pirrâ ive, poccui pyereestvajemist huolâttii já poccuin finnejum puáhtusijd kevttii tárkká. Ärbivuáválâš puásuipargoid, puásuipargoost poccui suoijâlmân, pygálysaiđijd čokkiimân, aaiđij rähtimân já huolâtmân, njuovâmân, kyeditmân já merkkiimân jno. tarbâšii tuárvi pargovyeimi. Tágáreh ääših lijjii vuáđđun toos, ete puásuisämmilâš peerâ lii lamaš já ain lii stuorrâpeerâ.