Siärváduv tuhhiittem (yhteisön hyväksyntä)

Ovdâsvástádâslâš mađhâšem uáivild tom, ete páihálâšsiärvádâh puáhtá tuhhiittiđ puoh tooimâid, moh lohtâseh maađhâšmân. Kalga mušteđ, ete mađhâšeijee lii ain kyessin mätkičuosâttuv páihálii aalmug pääihist ellee kulttuurenâduvâst, maid eres saajeest puáttee ulmuuh nabdeh távjá kuoskâmettum meccikuávlun. Ellee kulttuurenâdâh lii tot päikki, kost páihálâšsiärvádâh iälá jieijâs aargâ já eellim.

Ovdâsvástádâslâš mađhâšemtoimâ vuáđuduvá siärvuslâš tuhhitmân tast, maid halijdeh tâi pyehtih sämikulttuurist kávpálávt kevttiđ já maid kalga kyeđđiđ kávpálii kiävtu ulguubel. Taat tuhhiittem sáttá meid muttuđ ääigi mield. Tondiet lii tehálâš merikoskâsávt suogârdâllâđ, ete maht mađhâšem lii vaiguttâm páihálâšsiärváduv elimân.