Juhâriddoráávhu (jokirantarauha)

Juhâriddo kulá sämmilâš toovláš vyehirievti mieldi aassâmpirrâsân. Sämmilâš juhâkyelipivdokulttuurijn aassâmsaje riddo lii uási päikkipirrâsist, joba šiljo. Ovdâmerkkân Tiänu já ton uálgijuuvâi ridoh, moh láá iänááš juhârido priivaatenâmij puotâ, láá uási päikkisaje šiljopirrâsist. Riddoin láá kárbái lasseen eres omâduvah, tego viermih kuškâmin já puáđukyelipiivdo tarbâšeh. Páihálâš ulmuuh kunnijâtteh nubijdis riddoid já iästuttes teikkâ hemâdâsmettum jotteem viäsust jieijâs riidon lii ulmuid čielgâ äšši. Maŋgii paaihijn lii uáinimohtâvuotâ riidon já paijeelmiärálâš jotteem kárbái já kyelipivdotarbâšij alda annoo päikkiráávhu luávkkájeijen. Puoh kyelipivdomađhâšeijeeh iä ibbeerd priivaatenâmij puotâ orroo ridoi merhâšume já sämmilâš toovláš vyehirievti, ko nabdeh riddokyelipivdolove hahâmáin, ete sist lii vuoigâdvuotâ pivdeđ kuolijd jyehi saajeest, meiddei priivaatulmui sááđhuin.