Argâpiirâs (arkiympäristö)

Oles sämmilij päikkikuávlu lii páihálâšsiärváduvâi argâpiirâs, mii kočoduvvoo meiddei ellee kulttuurenâdâhhân. Argâpirrâsist hárjutteh ärbivuáválâš iäláttâsâid já tobbeen kávnojeh luánduamnâseh päikkitárboid pirrâ ive. Olgopiälálâš ulmuuh pyehtih tietimettumvuođâ tiet jurdâččiđ puástud, ete taat aargâ tábáhtumesaje lii kuoskâmettum meccikuávlu. Mutâ iä kuoskâmettum meccikuávluin lah noomah, moh muštâleh jieškote-uv pääihi merhâšuumeest já tábáhtusâin. Noomah, moh muštâleh kuávlui kevttimist, moi meerhâid olgopiälálâš čalme ij ain huámmáš. Päikkinoomah, moh muštâleh sist, kiäi lävkki teikkâ kietâ lii kuoskâttâm tiätu pääihi, nuuvt ete maajeeldpuátteeh-uv vala muštâleh taan tábáhtus.