Toovláš vyehiriehti (tapaoikeus)

Sämmiláid já sii ärbivuáválâš iäláttâsâi háárjutmân eellimiähtu lii lamaš ain luándu kilelis kevttim, luándu já eennâm láá lamaš sämmilij eletteijeeh.  Sämmilâš luándu maaŋgâhámásâšvuotân lohtâseijee toovláš vyehiriehti stivree ärbivuáválâš eennâmkevttim, siärváduv siskiipiäláid koskâvuođâid, moh lohtâseh eennâmkevttimân, lááčá prinsiipijd navdâšemkuávloid já stivree luánduresursijguin ávhástâllâm kilelis vuovvijn sämmilâš vuoigâdvuotâibárdâs mield. Sämmilijn lii lamaš čoođâ aaigij vyehhin luommiđ čohčâkeesi já siärváduvâst lâi sänittes sopâmuš, ete kost já mon lyemejeegist jieškote-uv peerâ luommij. Siämmáš sänittes sopâmuš, mon siärváduv jesâneh kunnijâttii, kuoskâi kyelipivdosoojijd, riävskápivdosoojijd, puáldimmuorâi väldimsoojijd, kamuvsuoinij čuoppâmsoojijd já jävildemsoojijd.