Sämmilâš luándukoskâvuotâ (saamelainen luontosuhde)

Sämmilii tuávádâhmaailmist iä iärut ulmuu, luándu já kielâ nubijdis. Sämikielâ spejâlist pirâstittee ellee já iäluttes luándu vuáđulii já tärkkilis tubdâm já ulmuu já luándu aldasii já tárkká čovdâččum vuáruvaikuttâs. Luándupiirâs, kulttuurpiirâs, sosiaallâš piirâs já kielâpiirâs hämmejeh ubâlâšvuođâ, pirâstuáváduv, mon kalga tarkkuđ ohtân ubâlâšvuottân, tastko toh vaikutteh nubijdis. Sämmilij eellimvyehi lii vuáhádum luándupirrâs adelem máhđulâšvuođáid já raijiittâssáid. Sämmiláid já sii ärbivuáválij iäláttâsâi háárjutmân eellimiähtu lii lamaš miätá aaigij luándu kilelis kevttim, luándu já eennâm láá lamaš sämmilij eletteijeeh.