Luávnejum ärbivyevih (lainatut perinteet)

Luávnejum ärbivyevih iä oovtkiärdánávt lah uási ton kulttuur, moos eteh, ete toh kuleh. Luávnejum ärbivyevih láá monnii eres kulttuur tâi kuávlu jiešvuođâliih ärbivyevih. Nubenáál ettum luávnejum ärbivyevih láá valdum nube kulttuurist já toh láá ruotâsmittum toid vieres kulttuurenâdâhân ovdâmerkkân mađhâšemsyergi tooimâst. Eromâš vaahâglâš luávnejum ärbivyehi lii talle, ko tot lii ruossâlâs moinnii algâalgâlii já puigâ kuávlun kullee ärbivuovvijn. Eromâš vaahâglii já kulttuurlávt killeelmettum luávnejum ärbivyevist puáhtá mainâšiđ ovdâmerkkân mađhâšem penuvráiđutooimâ, mii eromâšávt tiätukuávluin lii korrâsávt ruossâlâs sämikulttuur ohtân keđgijyelgin tuáimee puásuituáloin já toovât njuolgâ tâi epinjuolgâ vaahâg ärbivuáválii iäláttâsân.