Váikkuhusaid árvvoštallan
Váikkuhusaid árvvoštallan oaivvilda plánejuvvon doaibmabijuid, prošeavttaid ja mearrádusaid ovddalgihtii vuhtiiváldojuvvon váikkuhusaid systemáhtalaš čielggadeami ja árvvoštallama ovdal daid ollašuhttima dahje juo gávdnojeaddji doaimma vuđolaš kártema. Árvvoštallamis guorahallat váikkuhusaid ovdamearkan birrasii, dálkkádahkii, ekonomiijai, kultuvrii, dearvvasvuhtii ja olbmuid eallindiliide.
Sámiid ruovttuguovllus váikkuhusaid árvvoštallamis deattuhit erenomážit sosiálalaš, kultuvrralaš ja ekologalaš suvdilvuođaid ja guoddinnávccaid ja daid váikkuhusaid báikkálašservošii, árbevirolaš ealáhusaide (ee. boazodoallu, guollebivdu, meahccebivdu ja čoaggin) ja árbevirolaš dieđu (ärbivuáválâš tiätu, äʹrbbvuõđlaž teâtt, perinteinen tieto) seailumii. Árvvoštallamis galgá vuhtiiváldit maiddái kumulatiivvalaš váikkuhusaid dahjege sierra doaimmaid oktasašváikkuhusaid guhkes áigegaskkas ja sierra sektoriidda (omd. eará mátkeealáhusdoaibma (mielde maid iešdoaibmanmátkkálaččat), golledoidin, johtolat). Bures ollašuhtton váikkuhusaid árvvoštallan doarju vásttolaš ja ehtalaččat suvdilis mátkeealáhusa, ovddalgihtii eastada hehttehusaid ja nanne báikkálašservoša ja mátkeealáhusdoibmiid ovttasbarggu. Fitnodaga mátkeealáhusdoaimma váikkuhusaid árvvoštallamis čielggaduvvojit ovdamearkan dan váikkuhusat boazodoalloguovlluide, luonddu birrasii, kulturárbái ja báikkálašservoša buresveadjimii ja galledansuvdilvuhtii.
Geavatlaččat váikkuhusaid árvvoštallan dahkkojuvvo SMEKS-plána oassin. Sertifikáhta ozadettiin fitnodat dokumentere ovdamearkan iežas geinnodagaid ja bálvalusaid váikkuhusaid boazodollui, kulturárbái ja báikkálašservoša buresveadjimii ja govvida, mo hehttehusat ovddalgihtii eastaduvvojit ja čuvvojuvvojit. Mátkeealáhusdoaimma váikkuhusat árbevirolaš dieđu seailumii sáhttet leat sihke positiivvalaččat (omd. máinnasteami ja duodjeárbevieru sirdin ođđa buolvvaide) ja negatiivvalaččat (omd. boasttodieđuid ovdanbuktin dahje dieđuid lobihis geavahus). Árvvoštallama bokte sihkkarastit, ahte diehtu seailu servoša hálddus ja sirdása ovddos guvlui rivttes hámis.
Geahča maiddái
sámemátkeealáhusa etihkalaš rávvagat, eamiálbmotturisma, árktalaš biras, govven, kulturdorvvolašvuohta, ruoktoráffi, ealli kulturduovdda, etihkalaš suvdilvuohta, vásttolaš sámi turisma, eakti dieđu juohkin, árbevirolaš ealáhusat, ruovttudárbu, searvvuš, servoša miehtan, sosiálalaš doaibmalohpi, kultuvrralaš doaibmalohpi, sámekultuvra, vuhtiiváldin, heterogenalašvuohta, boazu, bohccuid balddáhallan, luovosbeatnagat, guođohanráffi, eaktivuohta, kultuvrralaš identitehtasuoládeapmi, kultuvrralaš oamasteapmi, hutkojuvvon árbevierut, luoikkahuvvon árbevierut, stereotypiija, primitiivvalažžan botnjan, eksotiseren, zotifikašuvdna, objeaktan dahkan, rekvisihtta
Liŋka sámemátkeealáhusa ehtalaš rávvagiidda Vásttolaš ja etihkalaččat suvdilis sámi turismmaealáhusa doaibmanprinsihpat
Liŋka vásttolaš mátkkálačča galledeaddjiid rávvagiidda: Sámemátkeealáhusa dieđut ja dáiddut – vásttolaš mátkeealáhus sámiid ruovttuguovllus
Liŋka ehtalaš suvdilvuođa animašuvdnii: Oppalaš suvdilvuohta