Zotifikašuvdna (zooifikaatio)

Zooifikašuvdna dárkkuha ovdanbuktinvuogi, mas erenomážit eamiálbmotservošat ja daid lahtut konkretiserejuvvojit turismaoaidnámuššan ja singuin meannuduvvo nugo sii livčče luonddubirrasii gullevaš turismasevttiid oassi dahje čájáhusdávviris iežas ealli kultureanadagas. Suomas turismasuorggis miellagovva sápmelašvuođas čohkiida nannosit sámegávtti birra. Gávttehasain jurddašuvvo dávjá, ahte sii leat ”čájáhusdávvirat” dahjege persovnnahis objeavttat. Váttisvuohtan dát šaddá eandalitge dalle, go jearaldat lea turismma olggobeale priváhta olbmuin. Sápmelaččat ja sámekultuvra geavahuvvojit turismmas jeavddalaččat maiddái passiivvalaš rekvisihttan, báikkálaš ivdnin dahje eksohtalaš ja primitiivvalaš objeaktan nu, ahte lea bođđejuvvon kultuvrralaš konteavsttas.