Objeaktan dahkan (esineellistäminen)

Erenoamážit eamiálbmotservošiid ja daid lahtuid dávjá dahkat objeavttalaš turismaoaidnámuššan ja singuin meannudit nugo sii livčče oassin luonddubirrasii gullevaš geasuheaddji sievttadasain. Dalle vajáldahttojuvvo, ahte sii leat olbmot, geaid ruoktot turisttat leat boahtán guossin. Suomas sápmelaččaid dahkan objeaktan ja eksohtalažžan turismma oktavuođas bodnjojuvvon ja gollan stereotyhpaide vuođđuduvvi representašuvnnaid bokte, maid olggobealolbmot leat ovdanbuktán, lea joatkašuvvan jahkelogiid. Turismma positiivvalaš váikkuhusaid oččošii oidnosii sápmelaččaide gullevaš eakti dieđu lávdadeami bokte, mii dáhpáhuvvá guldalemiin sápmelaččaid iežaset jiena ja sávaldagaid dan birra, mo sii ieža háliidivčče ovdanbuktit iežaset ja oidnot. Vásttolaš turista vállje vásttolaš ja ehtalaččat suvdilis sámebuktaga ja -bálvalusa.