Rekvisihtta (rekvisiitta)

Sámiid ruovttuguovlu lea máŋggaid sápmelaččaid ruoktu, gosa turisttat bohtet guossái. Buorre dábiide gullá, ahte báikkálaš olbmuid vuostá ii galgga láhttet dego sii livčče turismagálvvut, rekvisihtta dahje objeavttat. Erenomážit galgá leat fuolalaš jus govve dahje bádde priváhta olbmo, guhte ii bargga turismasuorggis. Muitte, ahte sámegávtti siste lea albma olmmoš, guhte ii leat iežas ruovttus rekvisihttan dahje eksohtalaš gálvun turisttaid várás. Gávttehasa govvemii galgá álo bivdit lobi olbmos ja govvet ii oaččo lobi haga. Mánáid govvemii dárbbašuvvo álo vánhemiid lohpi, ledje sis badjelis mat beare biktasat. Turismasuorggi olggobeal olbmot eai geavat sámegávtti turisttaid várás. Jus olmmoš biehttala govvemis dahje báddemis dahje eahpida addit lobi, dalle ii oaččo govvet.