Primitiivvalažžan botnjan (primitivisointi)

Turismmas primitiviseren deattuha ja seamma háve nanne álgoálbmoga birra addon miellagova, mii lea dološáigái goallostuvvon eallinvuogi mieldásaš. Nuppiid sániiguin primitiviseren doarju museadávvirin dahkkon, rievdameahttun ja doložii bisánan gova sámeservošis, man ii leat vel modearna eallin juksan dahje čuvgehus bilidan. Primitiviseremiin ráhkaduvvo govva ”guoskameahttun” ja dasto ”eakti” álbmogis dahjege ”sieiva vildasiin”,mat leat dološáigge bázahusat. Sámi vuoiŋŋalaš árbevieru ja myhtalaš vássánáigge deattuheapmi turismma doaimmas primitivisere sámiid, doarju ja nanne boasttolágan stereotypiijaid ja feaillalaš representašuvnnaid, maidda ii gávdno dávástus dálá áigge duođalašvuođas. Primitiviseren ii atte turismmas ovdanbukton sápmelašvuhtii vejolašvuođa leat otná beaivve ealli ja dynámalaš kultuvrra oassi, muhto dan bokte sámiin addojuvvon govva lohkkada sin mystihkalaš mannanáigái.