Boazodoallu (poronhoito)

Árbevirolaš sámeealáhusain boazodoallu doaibmá ainge dehálaš sámekultuvrra čiehkageađgin ja fállá doaresbealguovlluid ássama doalaheapmái hui dehálaš bargovejolašvuođaid ja kultuvrralaččat heakkadehálaš giellaarena ja materiálaid earret eará biktasiidda, dujiide ja borramuškultuvrii.

Boazoeaiggádeapmi, badjeolmmošdáiddut ja maiddái ovttaskas bohccot adde sierra bearašlahtuide sosiála sajádaga sápmelaš servošis. Ovdamearkka dihte bohccuid eallingearddi čuvvo lahka birra jagi, bohccuid buresveadjimis fuolahedje ja boađuid, mat bohte bohccuin, geavahedje dárkilit buorrin. Árbevirolaš boazodoallobargguide, boazobargguin bohccuid suodjaleapmái, čohkkemii bigálusáiddiide, áiddiid huksemii ja bajásdoallamii, njuovvamii, guotteheapmái ja misiid merkemii jna. dárbbašedje doarvái bargofámu. Dákkár áššit ledje vuođđun dasa, ahte boazosápmelaš bearaš lea leamaš ja lea ainge tiipa dáfus buolvabearaš.