Kulturdorvvolašvuohta (kulttuuriturvallisuus)

Kulturdorvvolaš sámeturisma dárkkuha dan, ahte sámedoaimmaheaddjit sáhttet buktit ovttaveardásaččat iežaset muitalusa ovdan dakkárin go sin kultuvra ja máilmmigovva leat. Kulturdorvvolaš sámeturismmas mátkebáikki báikkálašservoša duođalašvuohta ja duohtavuohta sáhttet spiehkkasit guossi ovddit jáhkuin primitiivvalaš ja mystihkalaš ”luonddu máná” birra. Kulturdorvvolaš turista ii daga báikkálaš olbmuin objeavttaid. Kulturdorvvolaš mátkebáikkis báikkálaš olbmot ožžot hárjehit sin kultuvrra, nu ahte sii eai dárbbaš sin dáhtu vuostá gártat turistta geahčastaga dahje kámera ovdii dahje rekvisihttan iežas ealli kulturduovdagis. Kulturdorvvolaš mátkebáikkis turisttat vuhtiiváldet ja gudnejahttet dan, ahte sii leat guossin nuppiid ruovttus, mas báikkálaččaid árga dáhpáhuvvá.