Vásttolaš sámi turisma (vastuullinen saamelaismatkailu)

Vásttolaš ja etihkalaččat suvdilis turisma gudnejahttá ja atná árvvus sámekultuvrra mihtilmas iešvuođaid, ovddida sámiid ja sámiid ruovttuguovllu buresveadjima sihke dahká vejolažžan sámekultuvrra seailuma ja ovdáneami. Sámi turismmas vásttolašvuohta lea konkrehta ovddasvástádus dan sámi servoša guovdu, masa turismma váikkuhusat čuhcet dahje sáhttet čuohcit. Sámeturismma čiehkageađgin lea sámekultuvrra buvttan ráhkadeami ja ovdanbuktima vuođđudeapmi nana oktavuhtii ja ovddasvástádussii dan áššeoasálaš sámeservoša sihke daid sámesogaid dahje siiddaid ektui, geaid kultuvrra dahje árbevirolaččat ásson guovllut/návddašanguovllut turismabuktagis geavahuvvojit dahje ovdanbuktojit. Vásttolaš, buorre ja eallinfámolaš turisma gáibida vuođđun buresveadji ja eallinfámolaš kultuvrra ja kultureanadaga.