Sámeturisma (saamelaismatkailu)

Sámeturisma áddejuvvo dakkár turisman, mas sámekultuvrrain ávkkástallamiin buvttaduvvojit turismabálvalusat ja dat fállojuvvojit fitnodatdoaibman. Sámeturisma galggašii leat sámevuhtii vuođđuduvvi turisma, mas sámeservodaga lahttut leat dat, geat barget turismmain. Eandalit Lappis leat goittotge turismafitnodagat ja eará turismabargit, geat eai gula sámeservošii, muhto ávkkástallet ja geavahit buorrin sámekultuvrra dahje dasa vuođđuduvvi elemeanttaid turismabálvalusain.  Dávjá dákkár turisma, mii geavaha buorrin sámevuođa, loavkašuhttá sápmelaččaid, juohká mis- ja disinformašuvnna ja nanne stereotyhpaid, iige sisttisdoala sápmelaččaid iežaset jiena ja oainnuid.