Vásttolaš ja etihkalaččat suvdilis sámi turismmaealáhusa doaibmanprinsihpat (vastuullisen ja eettisesti kestävän saamelaismatkailun toimintaperiaatteet)

Sámediggi dohkkehii Vásttolaš ja etihkalaččat suvdilis sámi mátkeealáhusa doaibmanprinsihpaid 24.9.2018. Etihkalaš rávvagiid váldoulbmilin lea jávkadit turismma, mii boastut ávkkástallá sápmelašvuođa ja maiddái turismma bakte leabbá boasttodieđuid sámiid birra. Nubbi deaddočuokkis lea sihkkarastit sámi álbmoga kulturgeavadagaid ja árbevieruid ja dahkat vejolažžan daid hárjeheami almmá veháš stuorábu turismmas šaddan negatiiva váikkuhusaid. Etihkalaš rávvagat leat dárkkuhuvvon vuosttažettiin sámeservoša olggobeal doaibmiide, geat dahket sámekultuvrra vuođul turismii buvtta ráhkadeami, ovdanbuktimiid ja juhket dieđuid gussiide, geat bohtet sámiid ruovttuguvlui.