Sosiála suvdilisvuohta (sosiaalinen kestävyys)

Sosiálalaš suvdilvuođa sáhttá meroštallat sihke báikkálašolbmuid ja mátkkálačča perspektiivvas. Vuoi turisma livččii sosiálalaččat suvdil báikkálaš sámeálbmoga perspektiivvas, galgá turismaealáhus váldit vuhtii báikkálašolbmuid dárbbuid sihke turismma ja dan dagahan nuppástusaid váikkuhusaid sin árgaeallimii ja eallinkvalitehtii. Turisma galgá bastit hálddašit ja das galget leat čielga ráját, mat čuvvojuvvojit. Sosiálalaččat suvdilis turismmas boahtán ávki galgá juohkásit nu viidát go vejolaš báikkálašolbmuid gaskavuođas ovdamearkan báikkálaš infrastruktuvrra ja bálvalusaid buorideami hámis. Maiddái turismmas boahtán sámeservošii čuohcci negatiivvalaš váikkuhusat galget leat nu uhcánaččat go vejolaš. Sosiálalaš suvdilvuođa dehálaš oassin leage sámeservoša oassálastinvejolašvuohta ja iežas eallinbirrasii čuohcci turismii váikkuhanvejolašvuohta. Turismasuorggi ja mátkkálaččaid luondduresurssaid ávkin atnin ii oaččo hedjonahttit árbevirolaš ealáhusaid iige sámeálbmoga vejolašvuođaid geavahit guovllu luondduriggodagaid.