Vuhtiiváldin (huomioiminen)

Álo go turista vuolgá eret iežas ruovttus ja eallinbirrasis, boahtá son gean nu eará ruoktot ja eallinbirrasii. Báikái, mas báikkálaččaid árga ja ávvudeamit dáhpáhuvvet. Lea dehálaš atnit árvvus ja gudnejahttit mátkebáikki vuostáiváldi servoša ja sin kultuvrra. Vásttolaš turista ii daga báikkálašservoša árggas dahje ávvudeamis váddásabbo dahje dorvvohabbo, muhto gudnejahttá ja atná árvvus báikkálaš olbmuid ja sin eallima ja eallinbirrasa. Gudnejahttin ja árvvusatnin lea buorre oidnot sániid ja jurdagiid lassin maiddái geavada daguid bokte dahjege nu ahte vuhtiiváldá báikkálaš olbmuid priváhtavuođa ja eallinvuogi ja -saji dárbbuid ja hástalusaid. Vásttolaš turista ii daga báikkálaš olbmuin objeavtta, muhto meannuda olbmuiguin nugo olbmuiguin lávet meannudit, ii nu ahte olbmot leat oaidnámušat. Vásttolaš turista máhttá vuhtiiváldit mátkebáikki birrasa ja álbmoga, nu ahte oahpásmuvvá rabas mielain mátkebáikái.