Homogenan nuppástuvvan (homogenisoituminen)

Kultuvrra nuppástuvvan homogenan lea oassin kultuvrraid nuppástuvvamis globálan, mii geahpeda kultuvrraid máŋggahámatvuođa ja rikkisvuođa. Turismaindustriijas leat stuorra váikkuhanvejolašvuođat ja seammás maiddái hui stuorra ovddasvástádus das, mo kultuvrraid ovdanbuktit ja dahkat gávppálažžan. Sápmelaččaid ruovttuguovlu lea rikkis ja máŋggabealat ealli sámekultuvrra ja kulturduovdaga siida, mas báikkálašservošiid árga ja ávvudeamit dáhpáhuvvet. Mátkeindustriija lea goittotge gilván guvlui ođđa turismadoaimmaid, mat leat juogo eará sajiin luoikkahuvvon dahje ollásit hutkojuvvon, ja ráhkadan dáidda duojážii lassáneaddji jearaldaga. Jearaldagain fas ákkastallat fálaldaga dárbbu. Luoikkahuvvon ja hutkojuvvon árbevierut sáhttet stivret turismma dagahan homogenan nuppástuvvama mátkebáikki ”identitehtii”, goas árktalaš guovllu turismaduovdagat álget muittuhit earáid guvllolaš eamiálbmotkultuvrras ja dan rikkisvuođa máŋggahámatvuođas fuolatkeahttá. Guovllus vieris ”árbevierut” sáhttet vejolaččat maiddái dahkat áitatvuložin álgoálgosaš kultuvrra eallinfámolašvuođa, eandalitge jos ođđa hutkosat ja ”gilvimat” leat nana ruossalasvuođas guovllu álgoálgosaš, ealli kulturduovdagii čielgasit gullevaš geavadagaiguin. Kultuvrralaš homogenan nuppástuvvama loahppaboađusin lea turisttaide borahuvvon kultuvrralaš seahkešaddu, man sáhttit vel márkanastit boastut, nu ahte dat gullá guvlui. Eakti dieđu juohkin turismma bokte šaddá váddásabbon ja vejolaččat maiddái eastašuvvá.