Sámekultuvra (saamelaiskulttuuri)

Sámekultuvrii gullet earret eará sámegiella, sámi kulturárbi, kulturolggosbuktojumit, sámedáidda, sámiid árbevirolaš diehtu, sámi luonddugaskavuohta, árbevirolaš sámeealáhusat ja daid dán áigge ollašuhttinvuogit seammágo sámiid eamiálbmogin ollašuhttin kultuvrra eará vuogit ja hámit. Nugo ovdamearkan sámegiella, máidnasat, musihkka sihke sámekultuvrra oinnoleamos symbolat nugo sámegávttit ja sámeduojit leat lávga oktavuođas earret eará árbevirolaš sámeealáhusaide nu ahte dat ráhkadit earutkeahtes ollisvuođa, man juohke oassesuorgi dárbbaša nuppi seailun dihtii eallinfámolažžan ja ná dahká vejolažžan sámekultuvrra seailuma, ovdáneami ja sirdáseami boahttevaš buolvvaide. Juos ovdamearkan kultuvrra okta oassesurggiin jávká dahje dan doaibmaviidodat gáržu, dovdojit dát váikkuhusat dalán nuppe sajis.