Buorringeavaheami historjá (hyväksikäytön historia)

Sámekultuvrra symbolat leat buvttan ráhkaduvvon ja ovdanbukton sápmelašvuođain ávkkástalli turismmas juo logiidjagiid Suomas. Sámekultuvrra buvttan ráhkadeapmi leamaš maiddái guhká dakkár, ahte olggobeale doaibmit leat sihke meroštallan ja ollašuhttán dan. Buvttan ráhkaduvvon ja ovdanbukton sápmelašgovas, man olggobeale doaibmit leat dahkan, lea dábálaččat uhcán dahkamuš eakti sápmelašvuođain. Sápmelašvuođain ávkkástalli turismmas albmanan ja viidát lávdan boastto ja primitiviserejuvvon sápmelašgovva lea vearrámus dilis dakkár, mii loavkida ja rievdada dávvirin sámeservoša. Dát almmolaččat ja jeavddalaččat ovdanbukton feaillalaš govva ja boastto dieđu lávdadeapmi váikkuhit vahátlaččat sihke sámeservoša ja sámekultuvrra eallinfápmui.