Sámegárvvut (saamenpuku)

Sámekultuvra lea ollislaččat erenomáš rikkis ja máŋggabealat, man oktan deháleamos identitehta ovdanbuktin lea sámegákti. Sámegávttis lea erenomáš stuorra mearkkašupmi sámekultuvrras. Sámegávtti geavaheami stivrejit čálekeahtes norpmat, maid sámit ieža čuvvot. Eandalitge sápmelašvuođain ávkkástalli turismmas sápmelašvuođa buvttan ráhkadeapmi ja čájeheapmi leat dávjá deattuhuvvan justa sámegáktái dahje sámegávtti lágan biktasii, mainna turismabuktagis lea geahččaluvvon dahkkot ”sápmelaš”, lei dasto gažaldat máidnasiin dahje eará turismabálvalusain. Sámegávttis leage šaddan identitehta deháleamos ovdanbukti sámeturismmas. Sápmelašvuođain ávkkástalli turismmas sámegávtti sisttisdoallan kultuvrralaš kodat ja mearkkašumit leat goittotge vajáldahtton dahje guđđojuvvon vuhtii válddekeahttá ja das lea ráhkaduvvon guoros rollabivttas almmá sielu haga. Sápmelaččat mat leat turismmaealáhusa olggobealde, eai geavat sámegárvvuid turisttaid dihte. Sámegárvvuid siste lea olmmoš. Ama it objektivisere olbmuid muhto gudnejahtát sin priváhtavuođa.