Sámegiella (saamen kieli)

Giella lea okta kulturárbbi dehálamos osiin. Gielat čalmmustahttet identitehtaid ja čadnet hálliid iežaset servošiidda, máttuide, otná beaivái ja boahtteáigái. Kultuvra gullo gielain, go daidda lea sisahuksejuvvon olu diehtu máilmmis ja olmmošgotti vásáhusain. Sámegielas háladettiin ii oaivvilduvvo dušše okta giella. Sámegielat leat oktiibuot logi, main ovcci hállojuvvo ain Suoma, Ruoŧa, Norgga ja Ruošša guovlluin. Suomas hállet golbma sámegiela: anárašgiela, nuortalašgiela ja davvisámegiela. Sámegielat leat Eurohpá eamigielat, mat gullet suomaugralaš giellajovkui. Sámegielat leat nuortamearasuopmelaš gielaid, nugo suomagiela ja esttegiela, eai nu lagaš fuolkegielat. Sáme- ja suomagielain leamašan oktasaš vuođđogiella. Gielat leat sierraluvvan sullii 3000-3500 jagi áigi.