Anárašgiella

Anáraččat leat áidna sámejoavku, mii lea árbevirolaččat ássan dušše Suoma bealde. Anárašgiela dilli lei erenomáš fuolastuhtti vel 30 jagi dassái. Anárašgiela aktiivvalaš searvvi (Anarâškielâ servi) ja dan álggahan giela máŋggalágan ealáskahttinprošeavttaid boađusin anárašgiella lea ožžon olu ođđa hubmiid. Anárašgiela gielaealáskahttin lea buktán bohtosa sihke rávesolbmuid ja árrabajásgeassinahkásaš mánáid gaskavuođas. Anára kirkosiiddas jagi 1997 álgán anárašgielat giellabeassi, Kielâpiervâl, joatká doaimma ja lea ožžon báldii guokte ođđa anárašgiela giellabeasi. Anárašgiela riektačállinvuohki, ortografiija, dohkkehuvvui jagi 1992. Anárašgielat vuođđooahpahus álggahuvvui 2000-logu álggus lihkostuvvan giellabeassedoaimma boađusin. 2010-logus anárašgielat skuvlaoahpahus lea ollen jo vuođđooahpahusa badjeluohkáide ja anárašgielat luohkát doibmet Anára ja Avvila skuvllain. Giella lea lasihan johtilit hálliid meari, sihke oidnoma ja beaggima ee. sámegielat medias ja populárakultuvrras. Giela hubmit leat árvvu mielde sullii 450.