Árgabiras (arkiympäristö)

Sápmelaččaid ruovttuguovllus leat oppalaččat báikkálašservošiid árgabirrasat, mat gohčoduvvojit maiddái ealli kulturduovddan. Árgabirrasis bargat árbevirolaš ealáhusaiguin ja ruovttudárbbuide doppe gávdno luondduaddámušat birra jagi. Olggobeale olbmot sáhttet diehtemeahttunvuođaset dihte jurddašit, ahte dán árgga dáhpáhusbáiki lea guoskameahttun meahcceguovlu. Muhto ii guoskameahttun meahcceguovllus leat namat, mat muitalit guđege báikki mearkkašumis ja dáhpáhusain. Namat, mat muitalit anus, man luottaid čalbmi ii álo oainne. Báikenamat, mat muitalit muitalusaid sis, geaid lávki dahje giehta lea guoskkahan dihto báikki, nu ahte maŋisboahtitge vel muittášit dan dáhpáhusa.