Eamiálbmotturisma (alkuperäiskansamatkailu)

Vásttolaš eamiálbmotturisma vuođđuduvvá oppalaš suvdilisvuođaid ja guoddinnávccaid vuhtiiváldimii ja ollašuvvamii báikkálaš dásis dain guovlluin, maid gažaldatvuloš eamiálbmot lea ásahan. Eamiálbmogis galgá leat vejolašvuohta váikkuhit dan vuohkái ja muitalussii, mo sin kultuvra ovdanbukto ja adnojuvvo ávkin gávppálaččat turismmas. Eamiálbmot ieš bidjá buvttan ja ovdanbuktá iežas kultuvrra rájiid siste, maid dan searvvuš lea ásahan. Searvvuš mii hálddaša kultuvrra galgá de aktiivvalaččat bastit váikkuhit iežas kultuvrra oinnolašvuhtii ja buvttan bidjamii, nu ahte turismmas leat positiivvalaš váikkuhusat sin kultuvrra bajásdoallamii ja sirdimii boahttevaš sohkabuolvvaide. Eamiálbmotturisma ii leat dalle dakkár, ahte earátgo eamiálbmoga lahtut juhket eamiálbmogiin dieđuid. Baicce eamiálbmotturisma lea dakkár, ahte eamiálbmogat ieš ovdanbuktet kultuvrraset iežaset eavttuiguin. Turistta vásttolašvuohta ja váikkuhanvejolašvuođat gullet vásttolaš ja ehtalaččat suvdilis eamiálbmotbálvalusaid ja buktagiid golaheapmái.