Árktalaš biras (arktinen ympäristö)

Máŋggaid sápmelaččaid ruovttuguvlui boahtti turisttaid luondo- ja kulturáddejumit ja árktalaš diliide gullevaš ceavzin- ja doaibmanmállet spiehkkasit sakka sápmelaččaid ruovttuguovllu luondo- ja kulturáddejumiin ja doaibmanmálliin. Danin lea buorre oahpásmuvvat ovdal mátkki mátkeguovllu báikkálaš álbmoga kultuvrii, vieruide ja eallimii ja maid birrasa lundui. Dálkkádatnuppástusa váikkuhusat čuhcet eanemusat hearkkes árktalaš lundui. Dálkki einnosteami hedjoneapmi ja garra dálkkiid lassáneapmi hástalit luonddus johtti olbmo. Árktalaš biras sáhttá otná beaivve hirpmahuhttit maiddái báikkálaš olbmo hálakeahttá galledeaddjis, guhte ii leat hárjánan árvitmeahttun ja hástaleaddji birrasii.