Beatnagiid doallan gitta (koirien kiinnipito)

Sápmelaččaid ruovttuguovllus ávžžuhit doallat biebmoealliid álo gitta ja geavahit meahccebivddus dušše dakkár beatnagiid, mat eai oagut bohccuid. Meahccebivdolága (Metsästyslaki) 51 § mielde beatnagiid galgá doallat gitta 1.3.–19.8. gaskasaš áiggi, luonddu ealliid lassánanráfi dáhkideami dihte. Meahccebivdolága 53 §:s ásahuvvo maid beatnagiid doallamis gitta eará guovlluin go maid ieš oamasta: ”Eanaeaiggáda dahje meahccebivdovuoigatvuođa hálddašeaddji lobi haga beatnaga ii oaččo doallat luovusin nuppi olbmo guovllus”. Dát maŋit paragráfa lea fámus maid ovddabealde máinnašuvvon gitta doallan áiggi olggobealde. Maiddái luonddusuodjalanguovlluin lea fámus birra jagi beatnagiid gitta doallan geatnegasvuohta. Dárkilut beatnagiid gitta doallama ráddjehusat ja spiehkastagat čoahkkebáikkiid olggobealde gávdnojit meahccebivdolágas. Beatnagiid gitta doallamii girjejuvvon paragráfat gávdnojit maiddái boazodoallolágas (42 § bohccuid balddáhallama eastadeapmi) ortnetlágas (järjestyslaki, 14 § beatnatstivren) ja rihkuslágas (15 §).