Eksotiseren (eksotisointi)

Olggobeale doaibmiid ráhkadan sámegovva turismmas vuođđuduvvá nuppeárvosašvuhtii dahjege eksohtalaš earálágánvuhtii ássanbáikkiiguin, mat leat guhkkin, ja ivdnás sámegávttiiguin. Eksotiserema bokte olbmot, dávvirat ja báikkit čájehuvvojit vierisin, imašlažžan ja románttalažžan. Eksohtalažžan govviduvvon ášši ovddasta nuppeárvosašvuođa, earaláganvuođa dahjege spiehkkasa ”mis” ja meroštallo dasto earálágánin dahjege ”normálas” spiehkkaseaddjin. Eksotihka ja vierisvuođa dahjege nuppeárvosašvuođa ohcan leamašan turismma motiivan juo čuđiidjagiid. Vaikko šiljuin dahje meahcis sáhttet leat lávut, de olbmot ásset viesuin. Sámegávtti siste lea olmmoš, ii geahččančuozáhat iige eksohtalaš rekvisihtta.