Stereotypiija (stereotypia)

Stereotypiija lea bissovaš, ovttabealat, dábálažžan dahkkon ja ovttageardánahtton, máŋgii negatiivvalaš ja stuorádallon oskumuš dihto olmmošjovkui dahje dihto olmmošjovkui gullevaš oktagasa navdojuvvon iešvuođain guoskevaš joavkku ovddasteaddjin. Sápmelašvuođain ávkkástalli turismmas guovddáš stereotypiijaide gullet sámegávtti áddestalli dahkubiktasat sihke árbevirolaš sámeráhkkanusat. Sámegáktekopiija guhkálaš geavaheapmi sápmelašvuođain ávkkástalli turismmas lea nuppástuhttán sámegávtti sámeturisman synonyman, nuppiid sániiguin vuođđorekvisihttan nu, ahte almmá sámegávtti haga doaibmi olbmo, turismabuvtta ii vealttakeahttá vásihuvvo sápmelažžan. Lassin turismma olis hutkojuvvon árbevieruin, nugo Lappi gásttas, olggobeale doaibmit leat ovdanbuktán hálbbášeaddji ja vuolleárvosaš gova sámiin giehpa-, duolva- ja buvkkuin heailu oktageardánis álgoálbmogin. Dakkár govva sámiin lea sihke loavkideaddji ja behtolaš, go ovdanbuktá ”sápmelašvuođa” sámekultuvrii vieris oktavuođas.