Ealli kultuvra (elävä kulttuuri)

Ealli kultuvra eallá áiggis ja báikkis nu, ahte vuogáiduvvá dálá áiggi ávkkiide ja hástalusaide. Sámekultuvrras ii sáhte čuoldit birrasa luonddu dahjege sápmelaš ealli kulturduovdaga, dan geavahusa, sámegiela, árbevirolaš ealáhusaid dahje eará kulturovdanbuktimiid nuppiin eret, muhto dat hábmejit ovttas earutkeahtes ollisvuođa, mas buot oassesuorggit laktásit ja nuppiide ja gulahallet ovttas. Jos ovdamearkka dihte okta oassesuorgi jávká dahje dan doaibmaguovlu rádjašuvvá, dovdojit dát váikkuhusat dalán earáin. Sámekultuvrra meroštallan lea gal mearkkašahtti láhkai viidát ja mohkkát go almmolaččat geavahuvvon kulturmeroštallamat. Vásttolaš turista gudnejahttá ja vuhtiiváldá báikkálaš servošiid árgga ja ávvudeami, nuv ahte deaivá olbmuid olbmon ii oaidnámuššan. Vásttolaš turista addá kultuvrra hálddašeaddjiid ollašuhttit kultuvrraset turismma dagahan hehttehusaid haga ja gudnejahttá báikkálaččaid priváhtavuođa. Dát lihkostuvvá ee. nu, ahte oahpásmuvvá ovddalgihtii mátkebáikki sierraiešvuođaide luohtehahtti diehtogálduid bokte.