Buorringeavaheapmi turismmas (hyväksikäyttö matkailussa)

Sápmelašvuođain ávkkástalli turismmas sámeservoša olggobealde boahtti turismaealáhusa hárjeheaddjit ja eará turismadoaibmit ávkkástallet ja atnet ávkin sámekultuvrii gullevaš ja geažideaddji elemeanttaid turismabálvalusain almmá eakti oktavuođa haga sámeservošii. Sámegávttis lea erenomáš stuorra mearkkašupmi sámekultuvrras. Sámegávtti geavaheami stivrejit čálekeahtes norpmat, maid sámit ieža čuvvot. Eandalitge sápmelašvuođain ávkkástalli turismmas sápmelašvuođa buvttan ráhkadeapmi ja čájeheapmi leat dávjá deattuhuvvan justa sámegáktái dahje sámegávtti lágan biktasii, mainna turismabuktagis lea geahččaluvvon dahkkot ”sápmelaš”, lei dasto gažaldat máidnasiin dahje eará turismabálvalusain. Sámegávttis leage šaddan identitehta deháleamos ovdanbukti sámeturismmas. Sápmelašvuođain ávkkástalli turismmas sámegávtti sisttisdoallan kultuvrralaš kodat ja mearkkašumit leat goittotge vajáldahtton ja/dahje guđđojuvvon vuhtii válddekeahttá ja das lea ráhkaduvvon guoros rollabivttas almmá sielu haga. Sámi turismma etihkalaš rávvaga váldoulbmilin lea sápmelašvuođain ávkkástalli turismma loahpaheapmi sihke sámiid guoski turismma bokte leavvi boastto dieđu jávkadeapmi.