Eahpeeakti (epäaito)

Almmolaš diehtu sámiid birra lea unnán ja mátkkošteaddjái lea dávjá veadjemeahttun earuhit eakti sámekultuvrii gullevaš buktaga dahje bálvalusa eahpeeakti “sápmelaš buktagis” dahje hutkojuvvon dahje luoikkahuvvon árbevierus. Sámeservoša olggobeal turismadoaibmis ii leat doarvái kultuvrralaš lohkanmáhttu dehe ipmárdus, mii dárbbahuvvo sámi kultuvrra sisttisdoalli turismabuktaga buvttan ráhkadeamis ja ovdanbuktimis. Go vállje eahpeeakti, hutkojuvvon dahje luoikkahuvvon turismabuktaga, de turista sáhttá álkit oažžut boastto dieđuid ja dat ain lasiha ja lebbe boasttodieđuid sápmelaččain ja sámi kultuvrras. Vásttolaččat ja etihkalaččat suvdinnávccalaččat doaibmi mátkkálaš sihkkarastá eakti buktaga duogáža ja doarju sápmelašvuhtii vuođđuduvvi turismabuktagiid go gallestallá sámiid ruovttuguovllus.