Eaktivuohta (aitous)

Vásttolaš eamiálbmotturismmas eaktivuođa meroštallan dárkkuha eamiálbmoga oainnu eaktivuođa ja dan birra, maid ja mo iežas kultuvrra háliidat ovdanbuktit, atnit ávkin ja dahkat gávppálažžan. Álo dat oaidnu ii vástit dan, maid turista jáhkká eamiálbmoga leat dahje ovddastit. Sámevuhtii vuođđuduvvi turismmas eaktivuohta boahtá ovdan olbmuid iežaset vásáhusain ja ellojuvvon eallimis, árggas ja ávvudeamis iežas ealli kulturduovdagis. Eakti eallimis ja go muitala dan birra, ii dárbbaš gárvodit rollafiguvran iige geassit muitalusaid (dahkaluddan)gahpiris ja joatkit gáttuiguin, navdosiiguin dahje čilget máidnasiid go diehtu nohká. Eakti muitalusat vuođđuduvvet eakti dihtui. Eakti muitalus lea dat, man sápmelaččat háliidit juohkit sin gussiide.