Johkagádderáffi (jokirantarauha)

Johkagáddi gullá sápmelaš vieruiduvvanrievtti mielde ássanbirrasii. Sápmelaš johkaguolástankultuvrrain ássanbáikki gáddi lea oassin ruoktobirrasa, maiddái šilju. Ovdamearkan Deatnu ja dan siidojogaid gáttit, mat leat váldoáššis joga priváhtaeatnamiid buohta, leat oassin ruoktobáikki šilju. Gáttiin lea fatnasiid lassin earáge opmodat, dego fierpmit goikamin ja buođđoguolásteami dárbbut. Báikkálaččat gudnejahttet nuppiid gátti ja easttahis ja ájihis johtin dálu luhtte iežas gáddái lea olbmuide diehttelas ášši. Máŋgii ruovttuin oaidná gáddái ja badjelmearálaš johtin fatnasiid ja guolástanbiergasiid lagašvuođas vásihuvvo leat loavkidahtti. Buohkat guolástanturisttat eai ádde gáttiid mearkkašumi, mat leat priváhtaeatnamiid buohta ja sápmelaš dáhpevuoigatvuođa, muhto jáhkket gáddeguolástanlobi oasttedettiin, ahte sis lea vuoigatvuohta guolástit juohke sajis, maiddái priváhtaolbmuid sátkkuin.