Ekonomalaš suvdilisvuohta (taloudellinen kestävyys)

Ekonomalaš suvdilvuođas deattuhuvvo báikkálašdállodoaluid doarjun searvvuš- ja ovttaskasolbmo dásis. Ekonomalaš suvdilvuođa vuolggasadjin lea, ahte turismaboađuin nu stuorra oassi go vejolaš báhcá čuozáhatguvlui. Dán sáhttá ollašuhttit fállamiin barggu sámeservošii ja maiddái báikkálaš fitnodatdoaimmain. Ekonomalaš suvdilvuhtii gullá ovdamearkan lagašbiepmu oidin sihke sámebuktagiid, nugo eakti dujiid ja báikkálaš sámebálvalusaid geavaheapmi. Ekonomalaš suvdilvuođa ulbmilin lea turismaealáhusa integreren sámeservošii nu, ahte das boahtán ekonomalaš ávki juohkašuvašii nu viidát go vejolaš guvlui. Lea erenomáš dehálaš, ahte maiddái sámesearvvuš, mii lea turismma olggobealde, vásiha turismma positiivvalažžan ja doaibman ja resursan, mii lea ávkin servošii. Turisma galgá maid doarjut sámiid árbevirolaš ealáhusaid vai dat leat ekonomalaččat gánnáhahtti.