Kultuvrralaš guoddinnákca (kulttuurinen kantokyky)

Mátkkálaččat dahje turismadoaimmat eai galgga njuolgga dahje gaskkalaččat rievdadit sámekultuvrra nugo ovdamearkan dujiid, oskumušaid, árbevieruid dahje vugiid. Gehččojuvvo, ahte kultuvrralaš guoddinnávcca badjel mannojuvvo, juos sámeturismma buvttan ráhkadeamis dahje ovdanbuktimis vásihuvvo dahje gávnnahuvvo, ahte dat heađušta sámekultuvrra seailuma, ovdáneami dahje sirdáseami boahttevaš buolvvaide. Juos sáhttá gávnnahit, ahte turismadoaimmat dahje mátkkálaččat njuolgga gáržudit sámekultuvrii gullevaš albmananvugiid, oidnojuvvo dat kultuvrralaš guoddinnávcca badjel mannamin. Ovdamearkan dás sáhttá máinnašit sámegávtti geavaheami: juos oktage sápmelaš guođđá geavatkeahttá sámegávtti, daningo ii hálit gártat mátkkálaččaid geahččama dahje govvema vuložin, gehččojuvvo, ahte kultuvrralaš guoddinnávcca badjel lea mannojuvvon.