Servoša miehtan (yhteisön hyväksyntä)

Vásttolaš turisma oaivvilda dan, ahte báikkálaš olbmot leat dohkkehan buot doaimmaid mat turismii gullet. Berret muitit, ahte turista lea álo guossi báikkálaš olbmuid ruovttus, ealli kulturbirrasis, maid Sámi olggobeal olbmot máŋgii gohčodit guoskameahttun meahcceguovlun. Ealli kulturbiras lea dat báiki, gos báikkálašservoša árga ja eallin dáhpáhuvvet.

Vásttolaš turisma vuođđuduvvá dasa, ahte searvvuš lea dohkkehan makkár osiid sámekultuvrras sáhttá atnit ávkin gávppálaččat ja maid galgá guođđit gávppálaš ávkkástallama olggobeallai. Dát miehtan sáhttá maiddái rievdat áiggi miel. Danin leage dehálaš gulaskuddat jeavddalaččat mo turisma lea váikkohan báikkálaš servoša eallimii.