Giehtaduojit (käsityöt)

Okta Sápmelaččaid árbevirolaš ealáhusain lea duddjon. Sámeduodji lea davvisámegillii duodji, anárašgillii tyeji ja nuortalašgillii tuejj. Árbevirolaččat duodji lea duddjojuvvon árgabeaivvi dárbbuide dego biktasat ja gápmagat ja eará gárvvut ja fatnasat, gerresat, gietkamat, báhkkebollut. Dujiid duddjomii leat boahtán ođđa bargovuogit ja metodat, muhto daid ođđa metodaid vuođđun leat árbevirolaččat geavahuvvon vuogit ja árbevirolaš diehtu. Sámegielas bohccuide, bohccočorvviide, lundui ja duodjái ja dan vugiide gullet daid iežaset terminologiija, main dušše oassi lea sirdásan suomagillii. Árbevirolaš dieđu ja máhtu ja giela lunddolaš sirdáseapmi sohkabuolvvas nubbái gáibida nuorat sohkabuolvva aktiivvalaš ja bistevaš oassálastima duddjomii ovttas boarrásut sohkabuolvva ovddasteaddjiiguin.